"ကောင်းကြီးများနှင့် ထိုမနက်ခင်း"

🏵️ နေထွက်တဲ့ ရွှေမနက်ခင်းမှာ

      ပန်းနေကြာ ရောင်သွေးဖြာလို့

      တီတာတာ ကျေးငှက်ဆိုတေးသံ

       ကြည်လင်တဲ့ စမ်းချောင်းရေလေး

       တသွင်သွင် စီဆင်းနေဆဲ။        ။ 

🏵️ တသဲ့သဲ့ အုန်းမောင်းခတ်သံလေး

      ဝန်းကျင်နီး ပျားပိတုန်းပျံဝဲလို့

      ရောင်သွေးစုံ လိပ်ပြာတောင်ပံခတ်သံက

      ကျက်သရေပြည့် သည်ရွှေမနက်ခင်းကို

      အလှတွေပွါး တိုးများစေကြတော့တယ်။       ။ 

Photo: Sts. Peter and Paul's Catholic Church, Kalay Diocese, Myanmar.

🏵️ ကြည်ပြာရောင် ကောင်းကင်အောက်မှာ

      ရိုးရှင်းတဲ့ အဝတ်သာဆင်မြန်းလို့

      မဟာမြေ တူးဖို့ရန်ပြင်

      သီးနှံစုံ စိုက်ဖို့ရန်ရွယ် လူတစ်ချို့

      ပေါက်တူးကိုင် ချီတက်တော့တယ်။       ။ 

🏵️ တအွတ်အွတ်နဲ့ ခေါင်မိုးထက်က

      မီးခိုးရောင် "ခို"မိသားစုတွေဖြင့်

      ဟိုသည်ပျံ ဝဲပျံရှုတ်ရှက်

      ကောက်ရိုးတချီ မြက်ခြှောက်တချီနှင့်

      နွေးထွေးတဲ့ အသိုက်လေးဆောက်တည်ကြတယ်။       ။ 

🏵️ လုံမပျိုတသိုက် လူပျိုတသိုက်

      သန့်သန့်ရှင်း အဝတ်ဆင်မြန်းကာ

      ဦးတည်ရာ ဘုရားကျောင်းဆီသို့

      ညီညာညာ ခြေလှမ်းတွေနဲ့

      အားမာန်အပြည့် ချီတက်ကြတယ်။        ။ 

🏵️ အိမ်အပြန် လမ်းခရီးမှာ

      ပင့်ယူခဲ့ "ကိုယ်တော်မြတ်"က

       နှလုံးသားထဲ အသွေးအသားထဲစီးလို့

       စိတ်ငြိမ်းချမ်း နှလုံးအေးချမ်းကာ

       စိတ်ဝိညာဉ် အသစ်တဖန် နိုးကြားလာပါတော့တယ်။        ။

✍️နောင်လိွုင်းလူ (ကလေး)✍️