သူပေါ့
ဘယ်သောအခါမျှ
သခင့်ထံတော်မှ
ဝေးဝေးရှောင်ခွါ
ထွက်ပြေးမည်မဟုတ်
ဘယ်သောအခါမျှ
ထံတော်အပါးမှ
ခြေတစ်လှမ်းတောင်
လှမ်းမည်မဟုတ်
ဘုရားရဲ့သားတော်
ခရစ်တော်ဖြစ်မှန်း
ဘယ်သောအခါမျှ
ငြင်းပယ်မည်မဟုတ်
သခင်နဲ့အတူ
အသက်စွန့်ရပါလျှင်မူ
မနှောင့်မနှေး
အသင့်ပါဟု
သံပေတရူး
ေြ<ွကးကြော်ခဲ့လည်း
ခရစ်တော်သခင်
အဖမ်းခံရတော့
ပြေးမိပြေးရာ
ပြေးခဲ့သူပေါ့
နာဇရက်သား
ယေဇူးတပည့်ဟု
အမေးစကား
ပတ်ကာရှောင်ဖယ်
သုံးကြိမ်တိုင်တိုင်
ငြင်းခဲ့သူပေါ့
ကြက်ဖသံကြား
နှလုံးသားပေါက်ကွဲ
ငိုကြီးချက်မ
နှောင်းမျက်ရည်စီး
ခရစ်တော်ရှင်ကို
ငြင်းခဲ့သူပေါ့
ဆိုရသော်လည်း
အပြစ်အတွက် အသနားခံ
ခွင့်လွှတ်ခြင်းရ
ကောင်းကင်တံခါး 'သော့'
ပိုင်ဆိုင်ခွင့်ရသူပေါ့။
နောင်လွိုင်းလူ (ကလေး)